جنوبی کشمیر کے ضلع اننت ناگ کے گنڈ بابا خلیل علاقے میں سیکیورٹی فورسز اور عسکریت پسندوں کے درمیان تصادم ہوا ہے جس دوران ایک عسکریت پسند زخمی حالت میں گرفتار کیا گیا ہے۔
کشمیر زون پولیس کے مطابق اس تصادم میں عسکری تنظیم حزب المجاہدین کا ایک مقامی عسکریت پسند ظہور احمد زخمی ہوا ہے جسے سکیورٹی فورسز نے گرفتار کرکے ہسپتال میں منتقل کیا ہے۔
ذرائع سے معلوم ہوا ہے کہ گرفتار شدہ عسکریت پسند کی اہلیہ کی موت حال ہی میں دل کا دورہ پڑنے سے ہوئی ہے۔
عسکری صف میں شامل شخص کی اہلیہ کی موت
ظہور نے گذشتہ ماہ ہی عسکری صف میں شمولیت اختیار کی تھی۔
ظہور نے گزشتہ ماہ حزب المجاہدین عسکری تنظیم میں شمولیت اختیار کی ہے اور اس کے کئی آڈیو پیغام سوشل میڈیا پر وائرل ہوئے ہیں جن میں اس نے فوج سے اپیل کی ہے کہ وہ عسکریت پسندی میں شامل ہونے کے فیصلے میں ان کے کنبہ کے افراد کو شامل نہ کرے۔ ظہور کا بڑا بھائی بھی عسکریت پسند تھا اور 1999 میں فائرنگ کے تبادلے میں مارا گیا تھا۔
اہل خانہ نے بتایا کہ ظہور کی ایک 18 سالہ بیٹی اور 12 سال کا بیٹا ہے۔