ترال میں مقامی شخص کا گولی مار کر قتل

جنوبی کشمیر کے ضلع پلوامہ کے ترال میں اتوار کی شام نامعلوم اسلحہ برداروں نے ایک عام شہری کو گولی مار کر ہلاک کردیا۔

ذرائع نے بتایا کہ ضلع پلوامہ کے ترال پائین میں اتوار کی شام نامعلوم اسلحہ برداروں نے 50 سالہ غلام نبی میر ولد ثناء اللہ میر نامی شہری پر نزدیک سے گولیاں چلائیں، جس کے نتیجے میں وہ شدید زخمی ہو گئے۔

نامعلوم افراد نے غلام نبی میر کو گولی مار کر ہلاک کر دیا

زخمی حالت میں انہیں فوری طور پر سب ضلع ہسپتال ترال منتقل کیا گیا جہاں ڈاکٹروں نے اسے مردہ قرار دیا۔
پولیس ذرائع نے بتایا کہ ٹارگٹ کلنگ کے اس واقعہ کے حوالے سے متعلقہ پولیس تھانہ میں ایف آئی آر درج کرکے تحقیقات شروع کردی گئی ہیں

غلام نبی میر پیشہ سے ٹھیکدار تھے۔ بتایا جاتا ہے کہ وہ حریت کانفرنس سے وابستہ تھے۔