ترال: آئی ٹی آئی کے مقامی دفتر پر اے سے بی کا چھاپہ

جنوبی کشمیر کے قصبہ ترال میں جمعرات کو آئی ٹی آئی دفتر پر اینٹی کرپشن بیورو کی ایک ٹیم نے چھاپہ ماری کے دوران دستاویز اپنی تحویل میں لے لیے۔

ضلع پلوامہ کے قصبہ ترال میں واقع آئی ٹی آئی دفتر پر اینٹی کرپشن بیرو کی ایک ٹیم نے اچانک چھاپہ مارا۔

چھاپے کے دوران اینٹی کرپشن بیرو ٹیم نے کچھ ضروری کاغذات اپنی تحویل میں لے لیے۔

ذرائع کے مطابق شکایات موصول ہونے کے بعد اینٹی کرپشن بیرو کی ایک ٹیم جمعرات کی صبح آئی ٹی آئی دفتر میں داخل ہوئی اور وہاں اسٹاک رجسٹر سمیت دیگر کاغذات ضبط کیے۔

معلوم ہوا ہے کہ آئی ٹی آئی دفتر ترال میں مبینہ طور بڑے پیمانے پر خرد برد کیا گیا ہے اور متعدد اشیاء بغیر ٹینڈر کے خریدی گئی ہیں۔

خبر تحریر کیے جانے تک اینٹی کرپشن بیورو کی ٹیم آفس کے اندر موجود تھی اور دیگر کاغذات کھنگالنے میں مصروف تھی۔