Tral Encounter: ترال انکاؤنٹر ختم، جیش کا سرکردہ کمانڈر ہلاک

ترال کے واگڈ علاقے میں سیکورٹی فورسز اور عسکریت پسندوں کے مابین تصادم ختم ہوگیا ہے۔ اس تصادم میں جیش کے ایک سرکردہ کمانڈر شمیم احمد صوفی کو مار گرایا گیا ہے۔

جموں و کشمیر کے ضلع پلوامہ کے ترال کے واگڈ علاقے میں سکیورٹی فورسز اور عسکریت پسندوں کے درمیان ہوئے تصادم میں اب تک جیش کا ایک سرکردہ کمانڈر مارا گیا ہے اور اس کے ساتھ ہی یہ تصادم اختتام پذیر ہوگیا ہے۔

یہ جھڑپ علاقے میں سرچ آپریشن کے دوران شروع ہوئی۔ سکیورٹی فورسز کو ملی خفیہ اطلاعات کے بعد جب جامع تلاشی شروع کی گئی تو اس کے بعد وہاں انکاؤنٹر شروع ہوا۔

جس میں اب تک پولیس کے مطابق جیش کا ایک سرکردہ کمانڈر شمیم احمد صوفی مارا گیا ہے، جب کہ علاقے میں اس کے بعد سرچ آپریشن جاری رکھا گیا اور فورسز کی بھاری نفری کو علاقے میں تعینات کیا گیا تھا۔

تاہم اب پولیس نے بتایا ہے کہ تصادم اختتام پذیر ہوگیا ہے۔