پلوامہ: سرکٹ ہاؤس میں ثقافتی پروگرام کا انعقاد

75ویں یومِ آزادی کی نسبت سے ضلع پلوامہ میں ثقافتی پروگرام کا اہتمام کیا گیا جس میں مختلف فنکاروں نے اپنے فن کا مظاہرہ کرکے حاضرین سے داد تحسین حاصل کی۔

ضلع پلوامہ میں جموں و کشمیر اکیڈمی آف آرٹ کلچر اینڈ لینگویجز، ڈیپارٹمنٹ آف انفارمیشن اینڈ پبلک ریلیشنز اور ضلع انتظامیہ کے اشتراک سے سرکٹ ہاؤس، پلوامہ میں ایک کلچرل پروگرام کا انعقاد عمل میں لایا گیا۔

جموں و کشمیر اکیڈمی آف آرٹ کلچر اینڈ لینگویجز کی جانب سے مختلف علاقہ جات سے مدعو کیے گئے فنکاروں نے مختلف زبان میں نغمے گاکر حاضرین کو محظوط کیا۔

قابل ذکر ہے کہ 75ویں یومِ آزادی کی نسبت سے ثقافتی پروگرام کا اہتمام کیا گیا تھا جس میں فنکاروں نے مظاہرہ کرکے حاضرین سے داد تحسین حاصل کی۔

پروگرام میں ڈی سی پلوامہ، ڈی ڈی سی چیئرپرسن سمیت مختلف محکمہ جات کے افسران نے شرکت کی۔