پلوامہ کے فریسی پورہ میں آتشزدگی

ضلع پلوامہ کے فریسی پورہ علاقے میں گھاس سے لدی گاڑی میں بجلی کی تاروں میں شارٹ لگنے آگ لگ گئی، جس کی وجہ سے گاڑی میں رکھی گھاس راکھ کی ڈھیر میں تبدیل ہوگئی۔

اطلاعات کے مطابق ایک گاڑی گھاس لے کر پکھرپورہ کی طوف جارہی تھی لیکن فریسی پورہ کے مقام پر بجلی کی تاروں میں شارٹ لگنے کی وجہ سے گاڑی میں رکھے گھاس میں آگ لگ گئی۔

مقامی لوگوں نے اگرچہ آگ پر قابو پانے کی کوشش کی تاہم وہ ناکام رہے لیکن راحت کی بات یہ رہی کہ گاڑی کو نظر آتش ہونے سے بچا لیا گیا۔

مقامی لوگوں نے الزام لگایا ہے کہ انہوں نے فائر بریگیڈ عملے کو آگ کی واردات کے حوالے سے جانکاری بھی فراہم کی تاہم وہ پہنچنے میں ناکام رہے۔

انہوں نے کہا محمکہ بجلی نے راستہ سے گزرنے والے ایچ ٹی لائین کو بھی کافی نیچے رکھا ہوا ہے جس کی وجہ سے یہ حادثہ پیش آیا۔