Sidco Lassipora ڈی سی پلوامہ نے سڈکو لاسی پورا کا دورہ کیا

ضلع ترقیاتی کمشنر پلوامہ ڈاکٹر بشارت قیوم نے منگل کے روز ضلع پلوامہ کے سڈکو لاسی پورہ انڈیسٹریل ائیرا کا دورہ کیا۔ دورے کے دوران موصوف نے یونٹ ہولڈرز کے ساتھ ایک میٹنگ کی۔

پلوامہ:جنوبی کشمیر کے ضلع پلوامہ میں سب سے بڑا صنعتی مرکز موجود ہے،جہاں پر ہزاروں کی تعداد میں محتلف کارخانے موجود ہے۔ وہیں یونٹ ہولڈرز کی جانب سے ضلع ترقیاتی کمشنر کو دعوت دی گئی تھی کہ وہ اس صنعتی مرکز کا دورہ کریں جس کے چلتے آج پہلی بار ضلع ترقیاتی کمشنر نے چارج سنبھالنے کے بعد اس صنعتی مرکز کا دورہ کیا۔ انہوں نے یونٹ ہولڈرز کے ساتھ ایک جائزہ میٹنگ بھی کی۔ میٹنگ میں سڈکو انڈسٹریل اسٹیٹ کے یونٹ ہولڈرز نے شرکت کی جبکہ اس میٹنگ میں انڈسٹریل اسٹیٹ سے وابستہ افسران بھی شرکت رہے۔واضح رہے کہ اس میٹنگ کی صدارت ضلع ترقیاتی کمشنر پلوامہ ڈاکٹر بشارت قیوم نے کی۔

اس موقع پر ہونٹ ہولڈرز نے ضلع ترقیاتی کمشنر کی نوٹس میں ان کے درپیش مسائل کو اجاگر کیا جس میں بجلی،پانی اور سڑک رابطہ جیسے اہم مسائل ہے۔ انہوں نے ضلع ترقیاتی کمشنر سے اپیل کی کہ وہ ان کے مسائل کا ازالہ کرنے کے لئے اقدامات اٹھائے۔وہیں ضلع ترقیاتی کمشنر نے ہونٹ ہولڈرز کو یقینی دہانی کرائی کہ ان کے مسائل کو متلقہ محکموں کے ساتھ اٹھایا جائے گا اور ان کو حل کرنے کی پوری پوری کوشش کی جائے گئی۔

بعد ازاں ضلع ترقیاتی کمشنر پلوامہ ڈاکٹر بشارت قیوم نے کئی صنعتی مرکز کا دورہ کیا جہاں انہوں نے کام کاج کا جائزہ لیا انہوں کولڈ سٹوریج یونٹس کا بھی دورہ کیا۔