پلوامہ علاج نہ ملنے سے خاتون کی موت

پورے ملک کے ساتھ ساتھ وادئ کشمیر میں بھی کورونا کے مثبت کیسز میں آئے روز اضافہ ہوتا جا رہا ہے۔ وہیں، اس وبائی بیماری سے اموات کی تعداد میں بھی اضافہ ہوا ہے۔

ضلع پلوامہ میں ایک 25 سالہ خاتون کی کورونا وائرس کی وجہ سے موت واقع ہو گئی۔ خاتون کا نام شاہدہ تھا۔ خاتون کے لواحقین میں ایک پانچ سالہ بیٹا اور چھ مہینے کی بیٹی ہے۔

اہل خانہ کے مطابق وہ گچھ روز سے بیمار تھی۔ انہوں نے اسے ضلع ہسپتال میں علاج کے لیے بھرتی کیا۔ وہاں اس کا کورونا ٹیسٹ مثبت آیا جس کے بعد ڈاکٹروں نے انہیں گھر جاکر الگ رہنے کی صلاح دی اور ادویات لینے کا مشورہ دیا۔

گھر پہنچتے ہی اس نے سینے میں درد ہونے کی شکایت کی۔ اس کے بعد اسے ضلع ہسپتال لایا گیا۔ تاہم ڈاکٹروں نے اسے مردہ قرار دیا۔ اس کے بعد اسے احتیاطی تدابیر کے ساتھ سپرد خاک کیا گیا۔

اس حوالے سے ان کے اہل خانہ سے سوال کیا کہ اگر وہ کورونا مثبت تھیں تو اسے ہسپتال میں اڈمیٹ کیوں نہیں کیا گیا۔

اس کے جواب میں ڈاکٹر گوہر جو اس وقت ضلع میں کووڈ-19 کی نگرانی کر رہے ہیں، کہا کہ چھوٹے کیسز کو ہم ایڈمٹ نہیں کر رہے ہیں بلکہ انہیں صلاح دی جاتے ہے کہ وہ گھر میں الگ رہیں۔

وہیں، اس کے اہل خانہ نے لیفٹیننٹ گورنر سے اپیل کی کہ بچوں کی مالی اعانت کی جائے تاکہ یہ بچے آگے جاکر کسی کے محتاج نہ ہوں۔

ضلع پلوامہ میں اب تک چار سو اٹھارہ افراد کورونا مثبت پائے گئے ہیں۔ ان میں سے اب تک 248 افراد صحت یاب ہو گئے ہیں۔ ضلع میں ابھی بھی 124 افراد زیر علاج ہیں۔ اس وبائی بیماری سے ابھی تک 38 افراد اپنی جان گنوا چکے ہیں۔