کرونا وائرس کے بڑھتے ہوئے خطرات کو دیکھتے ہوئے انتظامیہ نے بوتھ لیول سطح پر عوام کو جانکاری دینے کا فیصلہ کیا ہے۔
اس ضمن میں آج گورنمنٹ ڈگری کالج ترال کے آڈیٹوریم میں ایک تقریب منعقد ہوئی جس میں ایڈشینل ڈپٹی کمشنر ترال شبیر احمد رینہ بطور خاص مہمان کے موجود رہے، جبکہ سو سے زائد بی ایل اوز بھی اس موقع پر موجود رہے۔
تقریب کے دوران بی ایل اوز کو گھر گھر جا کر عوام کو کرونا وائرس سے بچاو کے لیے احتیاطی تدابیر اپنانے اور آروگیہ ایپ استعمال کرنے کی صلاح دی گئی۔
واضح رہے کہ سب ڈسٹرکٹ ترال میں لاک ڈاؤن کے بعد یہ پہلی ایسی تقریب تھی جس میں بڑی تعداد میں ملازمین نے شمولیت کی تاہم اس تقریب میں تمام مندوبین نے ماسک لگا کر شمولیت کی۔
جموں و کشمیر میں ہر گزرتے روز کے ساتھ کووڈ-19 سے متاثرہ افراد کی تعداد میں اضافہ ہورہا ہے، تاہم ضلع پلوامہ اس مہلک وبا سے آزاد ہے۔ ضلع میں تین مثبت کیسز پائے گئے تھے، لیکن تینوں مریضوں نے اس وبا کو شکست دے اپنے ضلع کو کووڈ سے آزاد کیا ہے۔