اسکول کے صحن میں لمبی گھاس کے سبب یہ مویشیوں کی پسندیدہ جگہ بن چکی ہے۔
اسکول میں دیوار بندی نہ ہونے کی وجہ سے مویشی اور کتے اسکول کے احاطے میں داخل ہو جاتے ہیں جس کی وجہ سے طلباء وقفے کے دوران کھیل کود سے بھی محروم ہو جاتے ہیں۔
انتظامیہ کے مطابق اسکول کی دیوار بندی اور گھاس کاٹنے کے لیے انکے پاس رقومات دستیاب نہیں۔
اسکول کے پاس ہی ایک ندی ہے اور دیوار بندی نہ ہونے کے سبب اساتذہ اور مقامی باشندوں کو ہمیشہ اس بات کی فکر ستاتی رہتی ہے کہ کہیں کوئی بچہ نالے میں ڈوب کر حادثے کا شکار نہ ہو۔
مرکزی اور ریاستی سرکار تعلیمی ڈھانچے کو مستحکم بنانے کے لئے اربوں روپے خرچ کرتی ہے تاہم چارلی گنڈ پرائمری سکول کا مشاہدہ کرنے سے وہ اسکیمیں کاغذوں تک ہی محدود معلوم ہوتی ہیں۔