جنوبی کشمیر South kashmirکے ضلع پلوامہ میں آل انڈیا انسٹی ٹیوٹ آف میڈیکل سائنسز (سائٹ اونتی پورہ) میں این سی سی کی جانب سے ڈسٹرکٹ ہسپتال پلوامہ کے اشتراک سے ایک عطیہ خون کیمپ کا انعقاد کیا گیا جس میں سائٹ میں کام کر رہے ملازمین نے خون کا عطیہ پیش کیا۔
میڈیا سے گفتگو کرتے ہوئے بلڈ ڈونیشن کیمپ کا انعقاد Blood Donation Camp at Awantiporaکرنے والی کمپنی این سی سی کے منیجر نے بتایا کہ انہوں نے رضاکارانہ طور عطیہ خون کیمپ کا انعقاد عمل میں لایا۔ جس میں این سی سی کے درجنوں ورکرز نے خون کا عطیہ پیش کیا۔ انہوں نے مزید کہا کہ عطیہ کیا ہوا خون ڈسٹرکٹ اسپتال پلوامہ کے بلڈ بینک میں جمع کیا گیا تاکہ ایمرجنسی کے دوران ضرورتمندوں کے کام آ سکے۔
انہوں نے مزید کہا کہ خون قدرتی طور انسان کے جسم میں تیار ہوتا ہے اور عطیہ کرنے سے انسان نہ صرف صحتمند اور تندرست رہتا ہے بلکہ عطیہ کیا ہوا خون کسی انسان کی جان بچانے میں مددگار ثابت ہو سکتا ہے۔