پانپور میں بلاک دیوس کا انعقاد

جن ابھیان پروگرام کے تحت آج قصبہ پانپور میں بلاک دیوس کا انعقاد کیا گیا

تفصیلات کے مطابق پانپور میں منعقد کردہ دیوس پروگرام کے دوران تحصیلدار پانپور نے مختلف علاقوں سے آئے ہوئے وفود کی شکایات سنے۔

تحصیلدار پانپور نے متعلقہ محکموں کے افسروں کو لوگوں کی شکایات حل کرنے پر زور دیا۔ انہوں نے لوگوں کو یقین دلایا کہ اُن کے تمام جاٸز مطالبات ترجیحی بنیادوں کے ساتھ حل کیے جائیں گے۔

پروگرام کے دوران تحصیلدار پانپور نے بی ڈی سی کے ہمراہ علاقے کی خواتین میں بےبی کیٹس تقسیم کٸیں جبکہ نوجوانوں کو کھیل کود کی طرف راغب کرنے کے لیے اُن میں اسپورٹس کیٹس بھی تقسیم کیے گئے۔


بلاک دیوس کے موقعے پر قصبہ پانپور کے ٹاون ہال میں مختلف محکموں نے کنوٹرس لگاۓ تھے تاکہ عوامی شکایات کا اندرآج کر کے ان کا ازالہ کیا جا سکھے۔

تحصیلدار پانپور نے کہا کہ ایسے پروگرام منعقد کرنے سے لوگوں کی افسروں تک رساٸی ممکن ہو جائے گی جس سے لوگوں کے مشکلاتوں کا ازالہ کرنے میں مدد ملے گی۔

پانپور میں بلاک دیوس کا یہ دوسرا مرحلہ تھا۔ تیسرا مرحلہ رواں ماہ کی 30 تاریخ کو منعقد کیا جائے گا۔ اس سے قبل 10 ستمبر کو یہ پہلا مرحلہ منعقد کیا گیا تھا۔

واضح رہے کہ جموں و کشمیر میں بیک ٹو ولیج کا تیسرا مرحلہ شروع ہونے والا ہے۔ تیسرا مرحلہ اکتوبر 2 تاریخ سے شروع ہو کر 12 اکتوبر کو اختتام پذیر ہوگا۔ انتظامیہ نے بیک ٹو ولیج کے تیسرے مرحلے سے قبل جن ابھیان منعقد کرنے کا اعلان کیا تھا۔