جموں و کشمیر کے ضلع پلوامہ کے اونتی پورہ پولیس اسٹیشن میں ایک پروگرام کا انعقاد کیا گیا، جس میں کورونا وائرس سے بچنے کے لیے اونتی پورہ پولیس نے حفاظتی کٹس تقسیم کیے۔
یہ حفاظتی کٹس خط افلاس سے نیچے زندگی بسر کرنے والے تقریباً 117 افراد میں تقسیم کیے گئے، تقسیم شدہ حفاظتی کٹس میں سینیٹائیزر، ماسک، ڈیجٹل تھرمامیٹر، دستانے اور دیگر چیزیں بھی شامل تھیں۔
اس موقع پر ایس ایس پی اونتی پورہ طاہر سلیم، ایس ڈی پی او اونتی پورہ اعجاز چودھری اور دیگر افسران بھی موجود تھے، مقامی لوگوں نے اونتی پورہ پولیس کے اس اقدام کی سراہنا کی ہے۔
ایس ایس پی اونتی پورہ طاہر سلیم نے بتایا کہ کورونا وائرس سے بچاؤ کے لیے سماج کے ہر فرد کو احتیاطی تدابیر اختیار کرنے کی ضرورت ہے اسی وجہ سے حفاظتی کٹس کو تقسیم کرتے وقت لوگوں میں کورونا وائرس سے بچنے کے لیے احتیاطی تدابیر کے متعلق بھی معلومات فراہم کی گئی۔
واضح رہے کہ ایسی ایک تقریب گزشتہ روز پامپور میں بھی منعقد کی گئی تھی۔