الطاف ٹھاکر نے ڈاڈسرہ سے نامزدگی داخل کی

نامزدگی جمع کرانے کے بعد الطاف ٹھاکر نے کہا کہ ڈی ڈی سی انتخابات لوگوں کی بنیادی سہولیات کے لیے منعقد ہو رہے ہیں اور وہ ترقی کا ایجنڈا لیکر ہی عوام کے پاس جائیں گے اور انہیں یقین ہے کہ وہ جیت کر آئیں گے۔

بھارتیہ جنتا پارٹی کے سینیئر رہنما اور ترجمان الطاف ٹھاکر نے آج آبائی علاقے ڈاڈسرہ ترال کے لیے کاغزات نامزدگی جمع کرائے۔

الطاف ٹھاکر نے ڈی ڈی سی انتخابات میں ازخود حصہ لیتے ہوئے آج بلاک آفس ترال میں ڈاڈسرہ بلاک کے لیے نامزدگی داخل کی۔ اس موقع پر بی جے پی کے کئی پنچ اور سرپنچ بھی موجود تھے، جنہوں نے الطاف ٹھاکر کا والہانہ استقبال کیا اور ان کو فارم داخل کرنے پر مبارکباد پیش کی۔

نامزدگی جمع کرانے کے بعد الطاف ٹھاکر نے کہا کہ ڈی ڈی سی انتخابات لوگوں کی بنیادی سہولیات کے لیے منعقد ہو رہے ہیں اور وہ ترقی کا ایجنڈا لیکر ہی عوام کے پاس جائیں گے اور انہیں یقین ہے کہ وہ جیت کر آئیں گے۔

الطاف ٹھاکر نے واضح کیا کہ حکومت الیکشن میں حصہ لینے والے تمام پنچوں اور سرپنچوں کی سیکورٹی کو یقینی بنانے کے لیے جوابدہ ہے اور اس ضمن میں کسی مخصوص جماعت کو انتظامیہ کی جانب سے مدد فراہم نہیں کی جا رہی ہے۔

واضح رہے کہ ڈاڈسرہ بلاک کے لیے ووٹنگ دس دسمبر کو چوتھے مرحلے کے تحت ہو گی۔