'انتظامیہ کھیل کود کو فروغ دینے کے لیے وعدہ بند'

ڈاکٹر راگھو لنگر نے ٹاون ہال ترال میں تائیکوانڈو کھلاڑیوں کی حوصلہ افزائی کی اور یوتھ سروسز اینڈ اسپورٹس محکمے کی طرف سے طلباء کے ایک بڑے گروپ کو جھنڈی دکھا کر ٹریکنگ کے لئے روانہ کیا۔

بلاک دیوس کے سلسلے میں ٹاون ہال ترال میں ایک تقریب منعقد ہوئی جس می تمام سب ضلعی آفیسران نے شمولیت کی۔

تقریب کی صدارت ضلع ترقیاتی کمشنر پلوامہ ڈاکٹر راگھو لنگر نے کی جبکہ اس موقع پر کئی عوامی وفود نے اپنے مسائل ضلع ترقیاتی کمشنر کی نوٹس میں لائے۔

موصوف نے لوگوں کے مسائل غور سے سنے اور ان پر ہمدردانہ غور کرنے کی یقین دہانی کرائی۔

بعدازاں موصوف نے ٹاون ہال ترال میں تایکاونڈو کھیل کا مظاہرہ کرنے والے کھلاڑیوں کی حوصلہ افزائی کی اور یوتھ سروسز اینڈ اسپورٹس محکمے کی طرف سے طلباء کے ایک بڑے گروپ کو جھنڈی دکھا کر ٹیکنگ کے لئے روانہ کیا۔ یہ گروپ مہشور تاریخی سیاحتی مقام نارستان میں چار دن قیام کرے گا جن کے قیام و طعام کے لیے محکمے نے انتظامات کئے ہیں۔
میڈیا سے گفتگو کرتے ہوئے ضلع ترقیاتی کمشنر پلوامہ ڈاکٹر راگھو لنگر نے بتایا کہ ضلع انتظامیہ پورے ضلع میں کھیل کود کی سرگرمیوں کو فروغ دینے کے لیے اقدامات کر رہا ہے اور اس ضمن میں انتظامی سطح پر متعدد اقدامات کئے جا رہے ہیں۔