ترال: پنچ کی طرف سے مبینہ زیادتی کے خلاف احتجاج

سب ڈسٹرک ہسپتال ترال کے سامنے آنگن واڑی ورکرز نے احتجاج کیا۔ ان کا الزام ہے کہ پنچ مشتاق احمد نے غیر اخلاقی زبان کا استعمال کیا اور انہیں ڈرانے دھمکانے کی کوشش کی۔

ضلع پلوامہ کے ترال کے لرو جاگیر علاقے میں آنگن واڑی ورکرز نے ایک مقامی پنچ پر بدسلوکی کا الزام عائد کیا ہے۔ اس دوران کافی ہنگامہ بھی ہوا۔ وہیں ایک آنگن واڑی ورکر شمیمہ بے حوش ہو گئی۔ جس کے بعد اسے ہسپتال لایا گیا۔

سب ڈسٹرک ہسپتال ترال کے سامنے آنگن واڑی ورکرز نے احتجاج کیا۔ انھوں نے کہا 'پنچ مشتاق احمد نے غیر اخلاقی زبان کا استعمال کیا اور ان کو ڈرانے دھمکانے کی کوشش کی جبکہ وہ احسن طریقے سے ڈیوٹی انجام دے رہی تھی'۔ ورکرز نے مانگ کی ہے کہ ان کے ساتھ انصاف کیا جائے'۔

وہیں ترال پولیس نے اس معاملے کے سلسلے میں کیس درج کر کے تحقیقات شروع کر دی ہے۔ اڈیشنل ڈپٹی کمشنر ترال شبیر احمد رینا نے کہا کہ اس معاملے میں تحقیقات کے احکامات صادر کیے گئے ہیں اور حقائق سامنے آنے کے بعد ضابطے کے تحت کاروائی کی جائے گی۔