پونچھ: منڈی میں ٹریفک پولیس کی بڑی کاروائی

منڈی کے بیدار میں ٹریفک پولیس نے ناکہ لگا کر ٹریفک قانون کا پالن نہ کرنے والوں کے خلاف کاروائی عمل میں لائی۔

جموں وکشمیر کے ضلع پونچھ میں ٹریفک پولیس کی جانب سے ٹریفک قانون کی خلاف ورزی کرنے والوں کے خلاف کاروائی جاری ہے۔ لیکن ان کاروائیوں کا زمینی سطح پر کوئی اثر نظر نہیں آرہا ہے۔

منڈی کے بیدار میں ٹریفک پولیس نے ناکہ لگا کر ٹریفک قانون کا پالن نہ کرنے والوں کے خلاف کاروائی عمل میں لائی۔ جس دوران متعدد گاڑیوں کے چالان کئے گئے۔

اس حوالے سے ٹریفک ایس او عبدالرشید نے نمائیندہ سے بات کرتے ہوے کہا 'جب بھی ناکہ لگایا جاتاہے، روڈ پر سواری گاڑیوں کی آمدورفت بند ہوجاتی ہے۔ عوام پیدل چلتی نظر آتی ہے۔ جس سے لگتاہے کہ عام پیسنجر وہیکلس کے کاغذات پورے نہیں ہیں۔ جس کی وجہ سے ڈرائیورز پولیس کا ناکہ لگتے ہی گاڑی روک دیتے ہیں'۔

انہوں نے کہا 'ٹاٹا میجیک، ٹاٹا سومو، ٹاٹا موبائیل، ٹریکٹر ٹرالی بس وغیرہ، ان گاڑیوں کے کاغذات نامکمل ہونے کی وجہ سے ناکے لگاکر کاروائی میں جاری رہے گی'۔

انہوں نے ڈرائیورز سے اپیل کی 'اگر گاڑی چلانی ہیں تو کاغذات پورے رکھیں ۔اوور لوڈنگ سے پرہیز کریں'۔

انہوں نے عوام سے بھی اپیل کی کہ وہ محکمہ کا ساتھ دیں۔