Poonch Govt Building Demarcation پونچھ میں سرکاری عمارتوں کی نشاندہی شروع

ضلع پونچھ کے تحصیل منڈی میں گورنمنٹ عمارتوں کی نشاندہی کا عمل شروع کیا گیا ہے۔ اس ضمن میں محکمہ کے عملہ پر مشتمل ایک آٹھ رکنی کمیٹی تشکیل دی گئی ہے۔

پونچھ:سرحدی ضلع پونچھ میں سرکاری عمارتوں کی نشاندہی کے لیے ایک خصوصی ٹیم تشکیل دی گئی۔ ضلع کے تحصیل منڈی میں تحصیلدار کی زیر نگرانی ایک کمیٹی تشکیل دی گئی ہے جو تحصیل میں سرکاری عمارتوں کا جائزہ لیکر ان کی نشاندہی کر رہی ہے۔ تحصیلدار کی زیر نگرانی تحصیل کمپلیکس منڈی، سب ضلع ہسپتال منڈی، بائز ہائیر سکینڈری اسکول اور گرلز ہائی سکینڈری اسکول سمیت دیگر سرکاری عمارتوں کی نشاندہی کی جائے گی۔ اس ضمن میں تحصیل انتظامیہ کی جانب سے ایک حکم نامہ جاری کیا گیا ہے اور محکمہ مال کے کل آٹھ افراد پر مشتمل ایک کمیشن سرکاری عمارتوں کی نشاندہی کے لیے نامزد کی گئی ہے۔

کمیٹی میں نائب تحصیلدار منڈی، نائب تحصیلدار لورن، نائب تحصیلدار ساوجیاں سمیت محکمہ مال کے دیگر افراد شامل ہیں جو ان سرکاری عمارتوں کی نشاندہی کریں گے۔ حکم نامے میں یہ بھی بتایا گیا ہے کہ 22, 23, 24, تاریخ کو ان عمارتوں کی مکمل نشاندہی کی جائے گی جس کے بعد 26 تاریخ تک کمیشن اپنی رپورٹ جمع کرائے گی۔ حکمنامہ کے تکمیل کرتے ہوئے سرکاری عمارتوں کی حد بندی کے لیے مقرر کردہ کمیشن کی جانب سے تحصیل کمپلیکس منڈی سے ہی نشاندہی کی شروعات کی گئی۔

کمیٹی کی جانب سے سب ضلع ہسپتال منڈی، بائز ہائیر سکینڈری اسکول منڈی، گرلز ہائیر سیکنڈری سکول منڈی کی نشاندہی باقی ہے، اور عملہ کا کہنا ہے کہ حکمنامہ کے مطابق وقت پر نشاندہی کا عمل مکمل کرکے رپورٹ حکام کو پہنچائی جائے گی۔ ذرائع کے حوالہ سے معلوم ہوا ہے کہ تحصیل کمپلیکس منڈی کی اس سے قبل بھی نشاندہی ہو چکی ہیں تاہم تحصیلدار کی جانب سے جاری کردہ حکم نامے کے مطابق تحصیل کمپلیکس منڈی کی ایک بار پھر نشاندہی کی گئی ہے، اور آئندہ دنوں نشاندہی کا عمل مکمل کرکے رپورٹ حکام کو پیش کی جائے گی۔