جموں کشمیر کے پونچھ ضلع سے تعلق رکھنے والی 27 سالہ ریحانہ بشیر نے آئی اے ایس امتحان میں کامیابی حاصل کی۔ ضلع پونچھ کے سلوا گاؤں کی رہنے والی ریحانہ کے والد کا انتقال 2006 میں ہو گیا تھا۔
ریحانہ کی ابتدائی تعلیم آرمی پبلک اسکول سجما میں ہوےئ جس کے بعد ایم بی بی ایس کی ڈگری شیر کشمیر انسٹیٹوٹ آف میڈیکل سائنس میں امتیازی نمبرات کے ساتھ حاصل کی ۔
ایم بی بی ایس کرنے کے بعد ریحانہ بشیر نے کشمیر ایڈمنسٹریٹیو امتحان پاس کیا لیکن ان کا سفر یہاں نہیں رکا بلکہ انہوں نے آئی اے ایس افسر بننے کی ٹھانی اور اپنے اس ہدف کو حاصل کرنے میں جی جان لگا دیا۔ اور یہ قول کہ محنت کرنے والوں کی کبھی ہار نہیں ہوتی کو سچ ثابت کرتے ہوئے انہوں نے منزل مقصود پالی۔
ریحانہ کا کہنا ہے کہ میں نے کسی بھی طرح کی کوچنگ نہیں کی بلکہ انٹرنیٹ پر دستیاب مواد کے ذریعہ تیاری کی ۔
انہوں نے کہا کہ کامیابی کا سہرا میرے والدین اور بھائی کے سر جاتا ہے جنہوں نے میرا ہر قدم پر ساتھ دیا۔