رہنما خطوط پر عمل نہ کرنے پر ڈرائیورز کے خلاف کاروائی

ٹریفک انسپکٹر دلیپ کمار دھر نے کہا کہ عوام کی شکایت تھی کہ ڈرائیور عوام سے زیادہ کرایہ وصول کررہے ہیں اور گاڑیوں میں بھی ضرورت سے زیادہ سواری بیٹھا رہے ہیں۔

جموں و کشمیر کے ضلع پونچھ کی تحصیل منڈی کے مختلف مقامات پر ٹریفک پولیس نے ناکے لگا کر قانون شکنی کرنے والے ڈرائیورز کے خلاف کاروائی کی جس میں متعدد ڈرائیوروں کے خلاف چالان کاٹے گئے اور کچھ گاڑیوں کو ضبط بھی کیا گیا۔

پولیس نے لوگوں کا استحصال کرنے والے ڈرائیوروں پر لگام کستے ہوئے آئندہ بھی کاروائی جاری رکھنے کی یقین دہانی کی ہے۔

اس حوالے سے ٹریفک انسپکٹر دلیپ کمار دھر نے کہا کہ عوام کی شکایت تھی کہ ڈرائیور عوام سے زیادہ کرایا وصول رہے ہیں اور گاڑیوں میں بھی ضرورت سے زیادہ سواری بیٹھا رہے ہیں۔

پولیس نے کہا جو بھی ڈرائیور قانون کی خلاف ورزی اور کورونا وائرس کے احتیاطی تدابیر پر عمل کرنے میں کوتاہی کرے گا ان کے خلاف سخت سے سخت کاروائی عمل میں لائی جائے گی۔