پونچھ کے منکوٹ سیکٹر میں گولہ با ری

جموں و کشمیر کے سرحدی ضلع پونچھ کے منکوٹ سیکٹر میں ایل او سی پر بھارت اور پاکستان کی فوج کے درمیان گولہ باری کا تبادلہ ہوا۔

تفصیلات کے مطابق پاکستانی افواج نے بھاری ہتھیاروں کا استعمال کرتے ہوئے بھارتی فوجی چوکیوں اور رہائشی علاقوں کو نشانہ بنایا۔

فوجی ذرائع نے بتایا کہ پاکستانی افواج نے منکو ٹ میں فوجیوں چوکیوں کا نشانہ بنانے کی غرض سے گولہ با ری کی جس دوران پاکستانی افواج نے بھاری ہتھیاروں کا استعمال کیا اور کئی ما رٹر شیل رہائشی علاقو ں میں بھی داغے، تاہم گولہ با ری سے کوئی بھی جانی اور مالی نقصان نہیں ہوا ہے۔

دفاعی ذرائع نے بتایا کہ بھارتی فوج نے بھی بھر پور جو اب دیا۔

خیال رہے کہ سنہ 2003 میں دونوں ممالک کے درمیان لائن آف کنٹرول پر جنگ بندی کا معاہدہ ہوا تھا۔ اس کے بعد بھی دونوں ممالک ایک دوسرے پر معاہدے کی خلاف ورزیوں کے الزامات عائد کرتے رہے ہیں۔