پونچھ ضلع کے منڈی تحصیل کے لورن بلاک علاقے کے ایک گاؤں سلطان پٹھری میں پونچھ ضلع کی ایس او جی پارٹی، لورن پولیس پارٹی اور بھارتیہ فوج کے 5/8 جی آر پٹالین کے جوانوں نے اتوار کے روز مشترکہ سرچ آپریشن چلایا۔
پونچھ: سکیورٹی اہلکاروں نے عسکریت پسندوں کا ٹھکانہ تباہ کیا
پونچھ ضلع کے منڈی تحصیل کے گاؤں میں سرچ آپریشن کے دوران سکیورٹی فورسز نے عسکریت پسندوں کے ٹھکانے سے دھماکہ خیز اشیا برآمد کر اسے تباہ کیا۔
militant hideout
دن بھر کے سرچ آپریشن کے دوران مشترکہ ٹیم نے ایک پرانے غار میں عسکریت پسندوں کے ٹھکانے کو تباہ کر کے دو آئی ای ڈی دھماکہ خیز اشیا، دو ہینڈ گرینیڈ اور کچھ دیگر دھماکہ خیز اشیا کو بر آمد کر اسے تباہ کیا ہے۔
پولیس کے ایک سینئر عہدیدار نے بتایا کہ اسلحے کی حالت کو دیکھتے ہوئے اندازہ لگایا جاسکتا ہے کہ کچھ سال قبل جب ضلع میں عسکریت پسندی عروج پر تھی، اس وقت عسکریت پسندوں نے ان دھماکہ خیز اشیا کو یہاں پر چھپا کر رکھا تھا۔ یہ پرانے ہوکر خراب ہو چکے تھے لہذا موقع پر ہی اسے تباہ کر دیا گیا۔