اطلاعات کے مطابق منگل شام میں ایک الٹو کار جے کے 12 2360 مینڈھر کے ساگرا گاوں میں حادثے کا شکار ہو گئی جس میں سوار چار افراد زخمی ہو گئے۔
زخمیوں کو مقامی لوگوں نے مینڈھر سب ڈسٹرکٹ اسپتال میں داخل کروایا جہاں ان کا علاج جاری ہے۔
زخمی افراد کی شناخت شاہد فاروق، فراز جاوید، فیض حسین اور محمد زبیر کے طور پر ہوئی ہے۔ فیض حسین کو راجوری کے میڈیکل کالج ریفر کیا گیا ہے۔ اس بات کی تصدیق میڈیکل افسر ڈاکٹر شاہ رخ احمد خان نے کی ہے۔
دیگر ایک واقعے میں ایک ٹاٹا موبائل وین کرشنا گھاٹی سیکٹر میں حادثے کا شکار ہوگئی جس میں سوار دو لوگ زخمی ہوئے جنہیں ضلع اسپتال پونچھ میں ریفر کیا گیا۔
پولیس نے مینڈھر تھانے میں معاملہ درج کر کے جانچ شروع کر دی ہے۔