مرکزی وزیر برائے دیہی ترقی کپل موریشور پاٹل نے سرحدی ضلع پونچھ کا دورہ کیا۔
دورے کے دوران انہوں نے منڈی علاقے کے بڈھا امرناتھ میں ایک سیاحتی عمارت جبکہ لورن علاقے میں ایک پنچایت گھر کا افتتاح کیا۔
اس موقع انہوں نے افسران کے ساتھ ایک مختصر میٹنگ بھی منعقد کی جس میں تحصیل منڈی میں جاری ترقیاتی کاموں سے متعلق انہیں جانکاری دی گئی۔
ذرائع ابلاغ کے نمائندوں سے بات کرتے ہوئے انہوں نے کہا کہ وزیر اعظم کی ہدایات پر جموں و کشمیر کی تعمیر و ترقی اور خوشحالی کے لیے مرکزی وزراء کو جموں و کشمیر کے دورے پر بھیجا جا رہا ہے۔
مزید پڑھیں:عوام کو درپیش مشکلات کا جلد ازالہ کیا جائے گا: ڈی سی پونچھ
انہوں نے کہا کہ دورے پر آنے والے مرکزی وزراء افسران، مقامی باشندوں سمیت منتخب عوامی نمائندوں کے ساتھ ملاقات کرکے یہاں کی زمینی صورتحال کا جائزہ لے رہے ہیں۔
انہوں نے مزید کہا کہ جموں و کشمیر کی تعمیر و ترقی میں مرکزی وزراء کے دورے اہم ثابت ہونگے۔