پونچھ میں پاکستانی فوج کی فائرنگ

جموں و کشمیر کے ضلع پونچھ کے کریری سیکٹر میں پاکستانی فوج کی جانب سے جنگ بندی کی خلاف ورزی کی گئی۔

اطلاعات کے مطابق پاکستانی فوج نے کریری سیکٹر میں جنگ بندی کی خلاف ورزی کرتے ہوئے فائرنگ کی۔ ذرائع نے بتایا کہ فوری طور پر جانی یا مالی نقصان ہونے کی اطلاع نہیں ہے۔

واضح رہے کہ دفعہ 370 کی منسوخی کے بعد لائن آف کنٹرول پر کشیدگی دن بدن بڑھتی جا رہی ہے۔

سنہ 2019 میں لائن آف کنٹرول پر سیز فائر کی خلاف ورزیوں میں دُگنا اضافہ ہوا ہے۔
گزشتہ برس 3200 بار جنگ بندی کی خلاف ورزیاں ہوئیں، جو 2018 کی نسبت بہت زیادہ ہے۔ وہیں 5 اگست سے 1،553 واقعات پیش آئے ۔