پونچھ: راکٹ لانچر شیل کو ناکارہ بنایا گیا

جموں وکشمیر کے ضلع پونچھ کے سرنکوٹ علاقے میں ہفتے کے روز فوج نے ایک راکٹ لانچر شیل کو ناکارہ بنا دیا۔

سرکاری ذرائع نے بتایا کہ سرنکوٹ کے مہرا باچھائی علاقے میں ہفتے کے روز فوج کی 16 آر آر کی ایک پارٹی نے ایک راکٹ لانچر شیل برآمد کیا۔

انہوں نے بتایا کہ شیل بر آمد ہوتے ہی فوج نے بم ناکارہ بنانے والی ایک ٹیم کو طلب کیا جس نے موقع پر ہی اس شیل کو ناکارہ بنا دیا۔

دریں اثنا ایس ایچ او سرنکوٹ تلک راج نے واقعہ کی تصدیق کرتے ہوئے کہا کہ فوج نے شیل کو ناکارہ بنا دیا ہے۔