عسکریت پسندانہ حملے کے خلاف پونچھ میں مظاہرہ

کشتواڑ میں آر ایس ایس رہنما پر ہوئے عسکریت پسندانہ حملے کے خلاف پونچھ ضلع کے پونچھ بازار میں وشو ہندو پریشد اور بجرنگ دل کے کارکنان نے مظاہرہ کیا۔

ان کارکنان نے عکسریت پسندوں کا پتلا نذر آتش کرتے ہوئے پاکستان مردہ باد کے نعرے لگائے، ان کارکنان نے انتظامیہ سے یہ مانگ کی ہے کہ اس حملے میں ملوث افراد کے خلاف سخت کارروائی کی جائے اور عکسریت پسندانہ سرگرمیوں کو جڑ سے ختم کیا جائے۔

واضح رہے کہ گذشتہ روز کشتواڑ ضلع میں ایک آر ایس ایس رہنما پر 2 عسکریت پسندوں نے حملہ کردیا تھا جس میں وہ شدید زخمی ہوگئے تھے اور اس حملے میں ان کا ایک حفاظتی اہکار ہلاک ہوگیا تھا۔

جس کے بعد انتظامیہ نے حالات بگڑنے کی صورت حال میں کشتواڑ اور ڈوڈہ میں کرفیو نافذ تھا۔