اڑیسہ میں سخت سکیورٹی کے درمیان دوبارہ پولنگ

الیکشن کمیشن کی ہدایت پر اڑیسہ میں 34 بوتھز پر سخت حفاظتی بندوبست کے درمیان آج دوبارہ ووٹنگ کرائی جا رہی ہے۔

دوبارہ پولنگ صبح سات بجے شروع ہوئی اور شام چھ بجے تک جاری رہے گی۔

ریاستی انتخابی کمیشن کے ذرائع نے بتایا کہ 'ازسر نو پولنگ پرامن طریقہ سے جاری ہے اور ابھی تک کسی بوتھ سے کسی ناخوشگوار واقعہ کی اطلاع نہیں ہے۔'

دوبارہ پولنگ مہانگا اور باڑی اسمبلی حلقوں کے پانچ پانچ، بریدا اور اتگڑھ کے چار چار، بھنجرپور اور جلیشور اور سالی پور، تال چیر، گھاسی پورہ، پارادیپ، سکندا، دھرم شالہ، بھونیشور سینٹرل، برہم گری، ستیہ باڑی، دیوگڑھ اور بارانبا کے ایک ایک بوتھ پر ہو رہی ہے ۔

ریاست میں تیسرے اور چوتھے مرحلے کے انتخابات میں ای وی ایم اور وی وی پیٹ میں تکنیکی خرابی اور دیگر رکاوٹوں کی وجہ سے ریاست کے انتخابی دفتر نے ان مقامات پر دوبارہ پولنگ کرانے کی سفارش کی تھی۔