سڑک حادثے میں پانچ خاتون مزدوروں کی موت

اڑیسہ کے راوڑ کیلا میں سڑک کی تعمیر کے کام میں مصروف خاتون مزدوروں کوبدھ کو ایک کار نے ٹکر ماردی جس میں پانچ خواتین کی موت ہوگئی اور ایک خاتون سمیت سات دیگر مزدور زخمی ہوگئے۔

یہ واقعہ اس وقت پیش آیا جب ایک کار نے سڑک پر ڈیوائڈر سے ٹکرانے کے بعد مزدروں کو ٹکر ماردی اور اس کےبعد یہ ایک ایس یو وی سےبھی ٹکراگئی۔

سندرگڑھ ضلع کے راج گنگپور کےنزدیک بیجو ایکسپریس وے پر یہ حادثہ آیا۔ پولس نےبتایا کہ واقعہ میں دو خواتین مزدوروں کی جائے واقع پر ہی موت ہوگئی جبکہ تین دیگر نے راوڑ کلا کے سرکاری اسپتال میں علاج کے دوران دم توڑ دیا۔

زخمی مزدووں کو راوڑ کیلا کے سرکاری اسپتال میں بھرتی کرایا گیا ہےا ور ان کی حالت سنگین بنی ہوئی ہے۔ یہ کار راوڑکیلا سے سندرگڑھ جارہی تھی۔ عینی شاہدین نے بتایا کہ حادثے کے وقت کاربہت تیز رفتاری سے جارہی تھی اور گاڑی ڈرائیور کے قابو سے باہر ہونے کی وجہ سے یہ حادثہ پیش آیا۔