جیل میں عید کی نماز، سماجی فاصلے کی خلاف ورزی

ریاست مہاراشٹر کے ضلع اورنگ آباد کی ہرسول سینٹرل جیل میں قیدیوں کا عید کی نماز پڑنے والا ویڈیو سوشل میڈیا پر وائرل ہو رہا ہے جس میں سوشل ڈسپنسنگ کی خلاف ورزی کی گئی جس کے بعد جیل سپرنٹنڈنٹ نے صفائی دی ہے۔

اورنگ آباد کی ہرسول جیل میں عید کی نماز کا ویڈیو سوشل میڈیا پر وائرل ہو رہا ہے جس میں دیکھا جاسکتا ہے کہ نماز کے دوران جیل کے قیدی کس طرح ایک دوسرے کے قریب کھڑے ہو کر نماز پڑ رہے ہیں۔

ویڈیو وائرل ہونے کے بعد جیل سپرنٹنڈنٹ ہیرا لال جادھو نے بتایا کہ جیل میں 579 قیدی کی جگہ ہیں لیکن یہاں 1800 قیدی موجود ہے۔

رمضان المبارک کی وجہ سے ہرسول جیل میں ایک علیحدہ بیرک بنایا گیا تھا اور اس بیرک میں رمضان کے اوقات میں سحری اور افطار کا بھی انتظام کیا گیا تھا۔

ہیرا لال نے بتایا کہ بیرک میں بیت الخلا ہونے کی وجہ سے وہاں نماز نہیں پڑی جا سکتی تھی اس لیے بیرک کے قیدیوں نے باہر جاکر نماز پڑھی۔