مہاراشٹر پولس نے وزیراعلیٰ ادھو ٹھاکرے کے خلاف ہتک آمیز تبصرہ کرنے پر مرکزی وزیر نارائن رانے کو اپنے حامیوں کے احتجاج کے درمیان منگل کی سہ پہر گرفتار کرلیا۔
پولس اہلکاروں کی ایک ٹیم نے رانے کو کونکن علاقے میں 'جن آشیرواد یاترا' کے دوران ضلع رتناگیری کے سنگمیشور علاقے سے گرفتار کیا۔
مرکزی وزیر کے یہ چیلنج کرنے کے چند گھنٹوں کے اندر ہی انہیں گرفتار کرلیا گیا کہ "کوئی بھی ان کے ساتھ کچھ نہیں کرسکتا" یا انھیں "آزادانہ گشت کرنے" سے نہیں روک سکتا ہے۔