بھیونڈی: رمضان المبارک کے پیش نظر علماء کی اپیل

ریاست مہاراشٹر کے ضلع تھانے کے جمیعت العلماء کے صدر مفتی حذیفہ قاسمی نے کہا کہ وقت اور حالات کے پیش نظر شریعت میں انفرادی طور پر عبادت کی اجازت ہے۔

مفتی حذیفہ قاسمی نے کہا کہ ملک میں جس طرح کے حالات ہیں اسے دیکھتے ہوئے رمضان میں کسی بھی قسم کا اجتماع نا کریں اور عبادات اپنے گھروں پر ہی کریں۔

انہوں نے کہا کہ وقت اور حالات کی نزاکت کو دیکھتے ہوئے سمجھداری اسی میں ہے کہ ہر شخص گھر میں ہی رہے اور کورونا وائرس کے خاتمے کی دعا کرے۔

اسی طرح بھیونڈی شہر کے جماعت اسلامی ہند کے امیر مولانا اوصاف کہا کہ 'ضروری نہیں کہ عبادت اکٹھا ہو کر ہی کی جائے بلکہ مجبوری میں انفرادی طور پر کی گئی عبادت کا ثواب بھی فرض کے برابر ہی ملتا ہے۔