اسکول کو اسپتال بنانے میں مقامی علماؤں کی کمیٹی کا کافی اہم رول رہا ہے۔
تلوجا علاقہ دیہی علاقوں کی مشابہت رکھتا ہے، اس لیے اس اسپتال میں آس پاس کے لوگ روزمرہ کے علاج کے لئے بڑی تعداد میں آرہے ہیں۔
علاج کے ساتھ۔ ساتھ یہاں دوائیں بھی کافی کم قیمت پر دستیاب ہیں۔ اسپتال کا نام الشفاء ہے۔
علاقے کے کارپوریٹر عزیز پٹیل کہتے ہیں کہ، 'اسپتال کا مقصد معمولی علاج کے لیے ہے۔ یہاں جب کوئی کورونا کا مریض ملتا ہے تو ہم اسے ان اسپتال میں منتقل کر دیتے ہیں، جہاں کورونا کے مریضوں کا علاج ہوتا ہے۔
ڈاکٹر آصف کہتے ہیں کہ، 'روزآنہ ہم 80 سے زائد مریضوں کا علاج کرتے ہیں، چونکہ کورونا وباء کی وجہ سے اکثر مریضوں کو کووڈ ٹیسٹ ضروری قرار دے دیا جاتا ہے۔ ایسے میں اس طرح کے اسپتال کی بیحد ضرورت ہے۔'
ممبئی اور ممبئی سے متصل علاقوں میں کورونا وباء نے اپنے قہر برپا کیا ہے، حالانکہ حکومت ہر ممکن کوشش کر رہی ہے کہ اس سے نجات ملے۔ لیکن کورونا کے مریضوں کی دیکھ بھال میں عام اور روز مرہ کے مریضوں کو بڑی پریشانیوں کا سامنا کرنا پڑتا ہے۔
