'سادھوی پرگیہ کا بیان جمہوریت کے لیے خطرہ'

بھوپال پارلیمانی حلقے سے بی جے پی کی امیدوار سادھوی پرگیہ سنگھ پر چوطرفہ تنقیدوں کا سلسلہ جاری ہے۔

سادھوی پرگیہ سنگھ نے اے ٹی ایس کے چیف آنجہانی ہیمنت کرکرے کے تعلق سے متنازع بیان دیا ہے۔

انہوں نے ہیمنت کرکرے کا نام لے کر کہا کہ ' وہ غداری تھی، مذہب کے خلاف تھا۔'

خصوصی سرکاری وکیل اجول نکم نے کہا کہ ' یہ بہت غم کی بات ہے کہ 26/11 دہشت گردانہ حملے کے بعد بھی اس پر سیاست کی جاتی ہے۔'

انہوں نے کہا کہ 'سپریم کورٹ نے یہ تسلیم کیا کہ 26/11 دہشت گردانہ حملہ ملک کے خلاف جنگ تھی اس کے باوجود کوئی یہ کہتا ہے کہ میری کسی وجہ سے ان کی موت ہوئی ہے تو یہ کہنا جمہوریت کے لیے خطرہ ہے۔'