اٹھائیس نومبر کو ادھو ٹھاکرے وزیر اعلیٰ کے عہدے کا حلف لیں گے۔ شیواجی پارک میں جمعرات کو شام میں پانچ بجے رسم حلف برداری کی تقریب کا اہتمام کیا جائے گا۔
قبل ازیں منگل کو دیویندر فڑنویس نے وزیر اعلیٰ کے عہدے سے استعفیٰ دے دیا۔ وہ چار روز ہی وزیر اعلیٰ رہ سکے۔
بدھ کے روز پروٹیم اسپیکر کالی داس کولمبکر اراکین اسمبلی کو حلف دلائیں گے۔
شیوسینا کے سربراہ اور آنجہانی بال ٹھاکرے کے صاحبزادے ادھو بال کیشو ٹھاکرے کو اتفاق رائے سے شیوسینا، کانگریس، این سی پی( مہاراشٹر وکاس اگھاڑی) کا لیڈر منتخب کرلیا گیا ہے۔
ادھو ٹھاکرے 28 نومبر کو وسطی ممبئی کے تاریخی شیواجی پارک میں وزیراعلی کے عہدے کا حلف لیں گے۔
ادھو ٹھاکرے کے نام کی تجویز این سی پی کے صدر جینت پاٹل نے پیش کیا تھا جس کی تائید راجو شیٹی نے کی۔
