ممبئی: چلتی ٹرک میں زبردست آتشزدگی

ممبئی کے جوگیشوری۔وکھرولی لنک روڈ کے رامباغ فلائی اوور سے پیر کی شب گزررہے ایک لوڈ ٹرک میں اچانک آگ لگ گئی۔

موصولہ اطلاع کے مطابق یہ ٹیمپو الیکٹرانک سامان لوڈ کرنے کے بعد اسلفہ نارائن نگر سے ناسک کے راستے روانہ ہوا تھا۔

ٹرک جیسے ہی رامباغ فلائی اوور پر پہنچا تب گاڑی سے دھواں نکلنے لگا اور ڈرائیور نے اپنی سوجھ بوجھ کا استعمال کرتے ہوئے گاڑی کو ایک کنارے کھڑا کردیا۔

دیکھتے ہی دیکھتے پورا ٹرک آگ کی زد میں آگیا اور یہ ٹرک سامان سمیت جل کر خاکستر ہوگیا۔ فی الحال اس حادثے میں کوئی جانی نقصان نہیں ہوا ہے۔

فائر بریگیڈ کی دو گاڑیاں موقع پرپہنچ گئیں اور تقریباً ایک گھنٹے کی مشقت کے بعد آگ پر قابو پالیا گیا۔