ٹریفک قوانین بیداری کے لیے پولیس کا منفرد قدم

ریاست مہاراشٹر کے دارالحکومت ممبئی سے متصل شہر تھانے میں ٹریفک پولیس نے عوام میں ٹریفک قوانین کی پاسداری کے لیے ایک انوکھا طریقہ اپنایا ہے۔

تھانے پولیس نے ٹریفک قوانین کی خلاف ورزی کرنے والوں کے خلاف ایک منفرد قدم اٹھایا ہے جس میں ایک شخص کو بھگوان گنیش کی علامتی شکل دے کر لوگوں میں ٹریفک قوانین کے تئیں بیداری پیدا کرنے کی کوشش کی۔

واضح رہے کہ یکم ستمبر سے ریاست میں ٹریفک کے نئے قوانین متعارف کروائے گئے ہیں جس کے لیے پولیس انتظامیہ لوگوں میں قوانین کی پاسداری کے لیے بیداری پیدا کر رہی ہے۔

تفصیلات کے مطابق ہیلمیٹ کے بغیر بائیک چلانے والے، شراب پی کر یا سیٹ بیلٹ کے بغیر گاڑی چلانے والوں میں ٹریفک قوانین کی خلاف ورزی نا کرنے کی تلقین دی ہے۔

ٹریفک پولیس نے ایک شخص کو بھگوان گنیش کا روپ دے کر اسے چپورے شہر کا دورہ کروایا اور ٹریفک قوانین کی خلاف ورزی کرنے والوں سے عہد لیا کہ وہ تمام تر قوانین کی پاسداری کریں اس کے علاوہ پولیس نے قوانین پر عمل کرنے والوں کی سراہنا کی اور انہیں مٹھائی تقسیم کی۔