رشوت لینے پر تین پولیس اہلکار گرفتار

اینٹی کرپشن ٹیم نے گٹکھا کاروباری سے پچاس ہزار روپے رشوت لیتے ہوئے تین پولیس اہلکاروں کو گرفتار کیا ۔

ریاست مہاراسٹر کے دارالاحکومت ممبئی میں اینٹی کرپشن بیورو ٹیم سے گٹکھا پان مسالہ کاروباری اشوک کمار شرما نے شکایت کرتے ہوئے کہا کہ کلیان مہاتما پھولے پولیس اشٹیشن میں تعینات پولیس انسپکٹر ہریش کامبلے، حولدار انکوش نرونے، اور پولیس نائک بھرت کھاڑے، گٹکھا کاروبار سے متعلق کاروائی نہ کرنے کے بہانے پانچ لاکھ روپے رشوت کا مطالبہ کررہے ہیں۔

اشوک شرما نے یہ بھی بتایا کہ 'انہوں نے مچھ سے ایک لاکھ روپے لے بھی لیا ہے اور باقی روپے کے لیے کاروائی کرنے کی دھمکی دے رہے ہیں۔ '

شرما کے شکایت پر اینٹی کرپشن بیورو کی ٹیم نے جال بجھایا، اور تینوں پولیس اہلکاروں کو ٹیم نے پچاس ہزار روپے رشوت لیتے ہوئے رنگے ہاتھوں گرفتار کر لیا۔ جس کے بعد اینٹی کرپشن ٹیم نے ان پر کاروائی کرتے ہوئے کلیان کورٹ میں پیش کیا حالانکہ کورٹ نے تینوں کو دو دن کی پولیس حراست میں بھیج دیا ہے ۔

رشوت کے معاملے میں ہونے والی گرفتاری سے پورے پولیس محکمہ میں زبردست کھلبلی مچی ہوئی ہے۔