بی ایس پی کی مقامی یونٹ نے عید گاہ پر نماز پڑھنے مطالبہ کیا

مالیگاؤں شہر میں بہوجن سماج پارٹی (بی ایس پی) کی مقامی یونٹ کی جانب سے پولیس انتظامیہ سے یہ مطالبہ کیا گیا ہے کہ عید کے روز عید گاہ میدان میں اہلیان شہر کو کورونا گائیڈ لائنز اور سوشل ڈسٹنسنگ کے ساتھ نماز پڑھنے کی اجازت دی جائے۔

اس تعلق سے بی ایس پی کے شہری صدر ظہور زم زم نے بتایا کہ فی الوقت پوری دنیا کورونا سے پریشان ہے لیکن اس وبا سے نمٹنے کے لئے دوا کے ساتھ ساتھ دعا کی بھی ضرورت ہے کیونکہ دعا اور عبادت پر قید نہیں لگائی جاسکتی اس لیے پولیس انتظامیہ شہریان کو عید گاہ پر نماز عیدالفطر پڑھنے کی اجازت دیں۔

بی ایس پی کی مقامی یونٹ نے عید گاہ پر نماز پڑھنے مطالبہ کیا

اس تعلق سے انھوں نے ایک مکتوب کے زریعے ضلع کلکٹر ایس پی سمیت وزیر اعلی سے بھی نماز پڑھنے کی اجازت دینے کا مطالبہ کیا ہے۔

ظہور زم زم نے برادران وطن سے بھی مطالبہ کیا ہے عیدالفطر کے روز وہ اپنے اپنے طور پر اس وباء کی خاتمے کے لیے دعا، پوجا اور پریئر کا اہتمام کریں۔

واضح رہے کہ کورونا کے بڑھتے معاملات کے پیشِ نظر ریاستی حکومت اور انتظامیہ نے ایک جی آر جاری کرتے ہوئے عوامی تقریبات پر وقتی طور پر پابندی عائد کردی ہے کیونکہ ریاست میں کورونا میں تیزی سے اضافہ ہو رہا ہے۔

حالانکہ اس سے قبل امن کمیٹی کے ذمہ داران نے بھی پولیس انتظامیہ سے عیدالفطر کے موقع پر عیدگاہ میں نماز ادا کرنے کی اجازت دینے کی بات رکھی تھی۔

اس پر ضلع ایس پی سچن پاٹل نے کہا تھا کہ وہ ضلع کے متعلقہ اعلیٰ افسران سے اس تعلق سے بات چیت کریں گے اس کے بعد جو شہر اور سب کے لئے بہتر ہوگا اس پر عمل کیا جائے گا۔