قاتلانہ حملہ کرنے والے ملزمین گرفتار

ریاست مہاراشٹر کے دارالحکومت ممبئی سے متصل شہر تھانے کے کوپری مارکیٹ علاقہ میں ایک شخص پر جان لیوا حملہ کرنے والے تین افراد کو پولیس نے گرفتار کرلیا ہے۔

تھانے ڈپٹی پولیس کمشنر اویناش امبورے نے بتایا کہ شہر میں واقع کوپری سبزی منڈی میں گزشتہ شب تقریباً گیارہ بجے بابو نڈا نامی شخص پر تین افراد قاتلانہ حملہ کر کے فرار ہوگئے۔

شدید زخمی حالت میں بابو نڈا کو فوراً مقامی ہسپتال میں داخل کرایا گیا جبکہ واردات کی اطلاع موصول ہوتے ہی کوپری پولیس ٹیم نے معاملے کو سنجیدگی سے لیتے ہوئے مقدمہ درج کر کے اس حملہ کرنے والے افراد کی تلاش شروع کی اس دوران پولیس کو خفیہ اطلاع ملی کہ حملہ آور افراد کسارا میں ہیں اور پولیس نے انہین فوراً گرفتار کیا۔

گرفتار افراد میں دو نابالغ ہیں اور انھیں چلڈرن ہوم بھیج دیا گیا جبکہ اس حملہ کے کلیدی ملزم ہریش تیلورے کو پولیس نے اقدام قتل کی دفعہ کے تحت گرفتار کرلیا ہے۔

ڈی سی پی اویناش آمبورے نے بتایا کہ یہ جان لیوا حملہ ان لوگوں کی آپسی اور پرانی رنجش کے تحت کیا گیا تھا۔
پولیس معاملے کی مزید تفتیش کررہی ہے۔