توکتے طوفان: مہاراشٹر میں 11 افراد ہلاک، ہزاروں مکانوں کو نقصان

توکتے طوفان کا قہر جاری ہے تو وہیں مہاراشٹر میں توکتے طوفان کے سبب 11 افراد کی موت ہو گئی ہے جبکہ ہزاروں مکانات کو نقصان پہنچا ہے۔

ریاست مہاراشٹر میں توکتے طوفان کے سبب 11 افراد کی موت ہوئی ہے جبکہ ہزاروں مکانات کو نقصان پہنچا ہے۔

توکتے طوفان سے متاثرہ ریاست کے مختلف ضلعوں میں مجموعی طور پر 12 ہزار مکانوں کو نقصان پہنچا ہے۔ یہ اطلاع ریاستی وزیر وجے وڈٹیوار نے دی ہے۔

ریاست میں بجلی محکمہ، کھیتی وغیرہ کا بھی بڑے پیمانے پر نقصان ہوا ہے۔

انہوں نے کہا کہ طوفان کی وجہ سے 15 ہزار افراد کو محفوظ مقامات پر لے جایا گیا۔ اب تک ریاست میں 11 لوگوں کے ہلاک ہونے کی خبر ہے۔