ٹاٹا اوپن کی تاریخوں میں تبدیلی ہو سکتی ہے

اے ٹی پی ٹورنامنٹ ٹاٹا اوپن مہاراشٹر کی تاریخوں میں تبدیلی ہو سکتی ہے۔ ٹورنامنٹ کے ڈائریکٹر پرشانت ستار نے یہ اشارہ دیا ہے۔

جنوبی ایشیا کے واحد اے ٹی پی ٹورنامنٹ ٹاٹا اوپن مہاراشٹر کی تاریخوں میں تبدیلی ہو سکتی ہے۔

ٹورنامنٹ کے ڈائریکٹر پرشانت ستار نے یہ اشارہ دیا ہے۔ انہوں نے کہا کہ 'کورونا وائرس کی وجہ ٹینس کا موجودہ کیلنڈر متاثر ہے، اور مارچ سے ٹینس سرگرمیاں ٹھپ پڑی ہیں۔ جب کیلنڈر شروع ہو جائے گا تو اس کا اثر ٹاٹا اوپن پر بھی پڑ سکتا ہے جس کا انعقاد سال کے شروع میں کیا جاتا ہے۔

ستار نے بھارتی ٹینس کھلاڑی ارجن کاڑھی کے ساتھ انڈین ٹینس ڈیلی انسٹاگرام لائیو سیشن میں یہ اشارہ دیا۔ انہوں نے یقین ظاہر کیا کہ ٹاٹا اوپن کے چوتھے ایڈیشن کو منعقد کریں گے لیکن لیور کپ، اے ٹی پی کپ اور آسٹریلین اوپن کی تاریخوں کو دیکھتے ہوئے ٹاٹا اوپن کی تاریخوں میں تبدیلی کرنا پڑ سکتا ہے۔