اورنگ آباد: مہاراشٹر کے مراٹھواڑہ علاقہ کے بیڈ ضلع میں پٹودا- منجرسوبا ہائی وے پر بامڈلے بستی میں اتوار کی صبح کار اور ٹرک کے درمیان تصادم میں ایک ہی خاندان کے چھ افراد کی جائے واقع پر ہی موت ہو گئی۔ Road Accident in Beed
موصولہ رپورٹ کے مطابق جیواچی واڑی کے رام ہری چنتامن کوٹے کا خاندان کار میں شادی کی تقریب میں شرکت کے لیے پونے جا رہا تھا۔ اس دوران بامڈلے بستی میں ایک کار اور ٹرک میں تصادم ہوا۔ مرنے والوں میں دو بچے بھی شامل ہیں۔ واقعہ کی اطلاع ملتے ہی پولیس نے مقامی لوگوں کی مدد سے جائے واقع پر پہنچ کر لاشوں کو قبضے میں لے کر اسپتال پہنچایا۔