اورنگ آباد: کورونا کے مریضوں کی تعداد میں نمایاں کمی

اورنگ آباد میں کورونا کے معاملے میں مسلسل ہورہے اضافے کے سبب نافذ لاک ڈاؤن سے کورونا مریضوں کی تعداد میں نمایاں کمی آئی ہے۔

مہاراشٹرا کے اورنگ آباد میں کورونا مریضوں کی تعداد میں مسلسل اضافہ ہو رہا تھا لیکن ریاست میں نافذ لاک ڈاؤن کے بعد کچھ ہی دنوں میں کورونا مریضوں کی تعداد میں نمایاں کمی ہوئی ہے۔

اس بات کا اعتراف اورنگ آباد میونسپل کارپوریشن کے شعبہ ہیلتھ کی انچارج ڈاکٹر نیتا پاڈلکر نے کیا ہے۔

اس دوران ان کا یہ بھی کہنا ہے کہ عوامی تعاون اور انتظامیہ کی چوکسی کے سبب اورنگ آباد میونسپل کارپوریشن کے حدود میں کورونا پازیٹیو مریضوں کی تعداد صرف تین سو تک سمٹ گئی ہے، جو اچھی علامت ہے لیکن عوام کو اب بھی احتیاط کا دامن نہیں چھوڑنا ہے۔