ماہم درگاہ پر شیوسینا کارکنان کی حاضری

بھارت میں بزرگان دین اور اولیاء اللہ کے تئیں بلا لحاظ مذہب وملت عقیدت پائی جاتی ہے اور سبھی طبقات کے لوگ مزارات اولیاء پر حاضر ہوتے ہیں کچھ ایسا ہی نظارہ ممبئی کی ماہم درگاہ پر دیکھنے کو ملا جب بڑی تعداد میں شیوسینا کے کارکنان اچانک درگاہ پر حاضری دینے کے لیے پہنچے۔

شیو واہتک سینا کے صدر دیپک مہیشوری نے اپنے ساتھیوں کے ہمراہ ماہم درگاہ کی زیارت کرتے ہوئے کہا کہ 6 مہینے انہوں نے اسی درگاہ پر منت مانگی تھی اور شیوسینا نے انھیں آخر کار اس عہدے پر منتخب کیا جس کی انہوں نے خواہش ظاہر کی تھی۔

شیو واہتک سینا کے صدر دیپک مہیشوری نے کہا کہ اس درگاہ پر آنے سے انھیں دلی سکون ملتا ہے جو شاید انھیں اپنے گھر میں بھی کبھی نہیں ملا ...27 جولائی کو شیوسینا صدر اودھو ٹھاکرے کی سالگرہ ہے اس تعلق سے بھی انھوں نے دعائیں کیں۔
مخدوم شاہ بابا درگاہ ٹرسٹ کے منتظم ٹرسٹی سہیل کھنڈوانی نے کہا کہ اس سے پہلے اسی درگاہ پر انہوں نے دوائیں کی تھیں اور یہ مرادیں مانگیں تھی اور ان کی وہ مرادیں پوری ہوئی انھیں شیوسینا نے جس عہدے پر منتخب کیا وہ اس قابل تھے۔
ممبئی کی ماہم درگاہ وہ دہلیز ہے جہاں ہر ادنی و اعلیٰ شخص دستک دیتا ہے روزانہ ہزاروں زائرین عقیدت مند کی یہاں آمد ہوتی ہے

یہ درگاہ بزرگان دین حضرت مخدوم علی ماہمی کی ہے جو 13 ویں صدی میں عالمی شہرت یافتہ صوفی تھے عرب کے صحرا میں پیدا ہوئے مخدوم ماہمی دین کی تبلیغ کے لیے عراق پہنچے اور وہاں سے بھارت آگئے اور ممبئی کے 7 جزیروں میں سے ایک جزیرہ ماہم میں بس گیے یہیں ان کے تدفین ہوئی۔