'شیوسینا اور ا کالی دل کے بغیر این ڈی اے ادھوری'

شیوسینا کے سینیئر رہنما سنجے راوت نے ٹوئٹ کرتے ہوئے کہا کہ این ڈی اے کے مضبوط ستون شیوسینا اور اکالی دل تھے۔

شیو سینا کے سینئر رہنما سنجے راوت نے شرومنی اکالی دل کے قومی جمہوری اتحاد(این ڈی اے) سے ناطہ توڑنے کے بعد ٹوئٹ کرتے ہوئے کہا کہ جس اتحاد میں شوسینا، اکالی دل نہیں میں اسے این ڈی اے نہیں مانتا۔

انہوں نے کہا کہ شیوسینا کو مجبورا این ڈی اے سے نکلنا پڑا اور اب اکالی دل نکل گئی ہے، این ڈی اے کو اب نئے ساتھی مل گئے ہیں۔میں انہیں مبارکباد پیش کرتا ہوں۔

سنجے راوت

واضح رہے کہ شرومنی اکالی دل رہنما نے بھی ایک ٹوئٹ کرتے ہوئے این ڈی اے پر تنقید کی ہے۔

سابق مرکزی وزیر ہرسمرت کور نے ٹوئٹ کیا کہ سابق وزیر اعظم اٹل بہاری واجپئی کے ذریعے تشکیل دی گئی این ڈی اے (قومی جہوری اتحاد) اپنے راستے سے بھٹک گئی ہے۔