سابق مرکزی وزیر اور بی جے پی ترجمان شہنواز حسین نے جمعرات کی دیر شام بھیونڈی واقع شاہ محمد خان ہال میں خطاب کرتے ہوئے کہا کہ ایسے وقت میں جب بی جے پی نے باقاعدہ انتخابی مہم شروع کردی ہے، کانگریس اب بھی ٹکٹ کی تقسیم کے تنازع میں الجھی ہوئی ہے۔ جس کا فائدہ سیدھے طور پر بی جے پی کو ہورہا ہے۔
انہوں نے کہا کہ بی جے پی کے بڑھتے تسلط سے کانگریس خوفزدہ ہے، اس لئے ذات پات کی بات کرتی ہے'۔
شاہنواز حسین نے کہا کہ 'بڑے دکھ کے ساتھ کہنا پڑتا ہے کہ ملک سے انگریز چلے گئے لیکن اپنی وراثت کانگریسیوں کو دے کر گئے، اسی لیے ترقی کی رفتار سست ہے'۔
انہوں نے کپل پاٹل کے لیے ووٹ کی اپیل کرتے ہوئے کہا کہ مجھے بہت خوشی ہو رہی ہے کہ بھیونڈی پارلیمانی حلقہ کے امیدوار کپل پاٹل نے انتخابی مہم کا آغاز مسلم اکثریتی علاقے سے کیا ہے۔
اس جلسہ سے مولانا آزادمالیاتی کارپوریشن کے چیئرمین حاجی حیدر اعظم، حاجی عبدالرشید،رکن پارلیمان کپل پاٹل،بی جے پی کے کے مقامی ضلعی صدر سنتوش شیٹی،رکن اسمبلی مہیش چوگلے نے بھی خطاب کیا۔
