سینیئر صحافی وسیم سنجر کو صدمہ

ای ٹی وی بھارت میں اپنی خدمات انجام دے رہے سینیئر صحافی وسیم سنجر کے دادا محمد یسین سنجر کا آج انتقال ہوگیا۔ وہ تقریبا 102 برس کے تھے۔

ممبئی کے سماجی اور سیاسی حلقوں میں یہ خبر انتہائی افسوس سے پڑھی جائے گی کہ معروف شاعر سنجر مدراسی کے چھوٹے بھائی، صحافی جمال سنجر کے والد بزرگوار اور ای ٹی وی بھارت کے سینیئر رکن وسیم سنجر کے دادا جان جناب محمد یسین سنجر آج شام پانچ بجے اپنے مالک حقیقی جا ملے۔ اناللہ و انا الیہ راجعون۔

محمد یسین سنجر

مرحوم یسین سنجر صوم و صلوۃ کے انتہائی پابند تھے۔ ان کی عمر 102 برس تھی۔ گزشتہ سال سے ہی وہ علیل چل رہے تھے۔ ان کے بارے میں یہ بات مشہور تھی کہ ان کی پوری زندگی جدوجہد سے عبارت تھی۔ اپنی بستی جنتا کالونی چیتا کیمپ کو اپنے بیٹے فتح سنجر کے طور پر پہلا گریجویٹ دیا۔ سنجر ِخانوادہ کو بستی میں تعلیم عام کرنے کی ترغیب دی۔

ان کی اچانک موت سنجر خانوادہ کے لئے نقصان عظیم ہے۔ اللہ سے دعا ہے کہ مرحوم کو کروٹ کروٹ جنت نصیب کرے اور پسماندگان کو صبر جمیل عطا کرے۔۔۔ (آمین)