اورنگ آباد: سمتا پریشد کی قیادت میں او بی سی طبقات کا احتجاجی مظاہرہ

ریاست مہاراشٹر کے ضلع اورنگ آباد میں سمتا پریشد کی قیادت میں او بی سی طبقات کا دھرنا آندولن ہوا۔ آکاشوانی پر دو گھنٹے تک چلے مظاہرے میں سینکڑوں افراد نے شرکت کی اور مطالبہ کیا کہ او بی سی کی مردم شماری تک لوکل باڈی الیکشن منسوخ کیے جائیں۔

سمتا پریشد کی جانب سے اورنگ آباد کے آکاشوانی میں او بی سی طبقات کا احتجاجی دھرنا دیا گیا۔ او بی سی زمرے میں شامل مختلف طبقات نے اورنگ آباد میں آکروش ریلی کے ذریعے راستہ روکو آندولن کا اعلان کیا تھا، لیکن پولیس کی اجازت نہ ملنے کی وجہ سے آکروش ریلی دھرنے میں تبدیل ہوگئی۔

دھرنے میں شامل مظاہرین نے خود کے جسم پر نعرے پینٹ کروائے اور حکومت کو متوجہ کرنے کی کوشش کی۔ دھرنے میں خواتین نے بھی بڑے پیمانے پر شرکت کی۔

احتجاجی مظاہرین کا کہنا ہے کہ مردم شماری میں او بی سی طبقات کی بھی رائے شماری ہونی چاہئے اور مردم شماری ہونے تک لوکل باڈی الیکشن کو منسوخ کیا جانا چاہئے۔