سلمان خان کے سکیورٹی گارڈ شیوسینا میں شامل

مہاراشٹر اسمبلی انتخابات سے محض دو روز قبل سلمان خان کے سکیورٹی گارڈ شیرا نے گزشتہ روز شیوسینا میں شمولیت اختیار کرلی ہے۔

مہاراشٹر میں اسمبلی انتخابات کی ووٹنگ کے لیے صرف دو دن باقی ہیں اس ضمن میں بالی ووڈ کے معروف اداکار سلمان خان کے قریبی سکیورٹی گارڈ گرمیت سنگھ عرف شیرا نے گزشتہ روز شیوسینا کا دامن تھام لیا ہے۔

واضح رہے کہ شیوسینا کے سربراہ اددھو ٹھاکرے اور یواسینا کے صدر آدتیہ ٹھاکرے کی موجودگی میں شیرا نے شیوسینا میں شمولیت اختیار کی۔

گزشتہ روز شیرا نے ممبئی میں واقع ٹھاکرے خاندان کے گھر ماتوشری پر دونوں شیوسینا رہنماؤں سے ملاقات کی تھی۔ شیوسینا نے اپنے ٹوئٹر ہینڈل کے ذریعے اس بات کی اطلاع دی ہے۔

واضح رہے کہ مہاراشٹر میں اسمبلی انتخابات 21 اکتوبر کو ہونے ہیں، جبکہ انتخٓبات کے نتائج 24 اکتوبر کو آئیں گے۔